Sju Vestlandsforteljingar kan i sesongen opplevast på Sotra og i Øygarden i perioden 1. august til 18. september. Bli kjend med historia og naturen på øyane vest for Bergen ved å delta på ulike forteljingar alle dagar i veka. Når du møter opp på rett plass til rett tid, vil ein forteljar ta deg med i ei historie som gjev deg ei oppleving av kystsamfunnet på ein ny og spanande måte.
For å få med deg ei forteljing, må du møta opp i god tid på staden. Der får du kjøpt ein billett hos forteljaren. Om ikkje anna er nemnt, kostar ei Vestlandsforteljing kr. 70,- for vaksne, born gratis. Dei aktuelle stadane kan du koma til med eigen bil eller båt, eller du kan nytta offentleg busstransport eller aktuelle båtruter.