Handelstaden Glesvær vart oppbygd gjennom fiskeri og sildefangst, som har endra seg frå fiske i færing til ringnotsnurping. Det er ei vandring i historia og utviklinga av staden. Du får høyra om fiskarbonden som vart handelsmann, og om endringar på staden gjennom tidene frå handel og bakeri til kafé olé. Dei som vil, kan også få ein smakebit av historia på kafeen etterpå. Sildetallerken kr 80,-.
Tidspunktet er tilpassa rutebuss (Bergen - Glesvær kl. 13.38, Glesvær - Bergen kl. 18.20). Til Glesvær kan ein også koma med eigen båt. For å få med deg ei forteljing, må du møta opp i god tid på staden. Der får du kjøpt ein billett hos forteljaren. Forteljinga vert fortalt på norsk.