Innbyggjarane i Hjelme sokn hadde ei strevsam kyrkjereis i robåt over Hjeltefjorden til Hordabø eller Manger. Etter søknad frå 70 bønder i soknet vart det etterkvart gjort vedtak i Manger kommune om å byggja første kyrkja i Øygarden, og i 1875 vart Hjelme kyrkje vigsla. I Hjelme gamle kyrkje får vi historien om fiskarbøndene sin innsats for å få reist kyrkja, om kyrkjereiser i båt og til fots og om tradisjonar kring kyrkjelege handlingar. Også tonar frå den lokale salmesangtradisjonen vil verta å høyra i denne forteljinga.. Forteljinga kan tingast på engelsk og tysk.
Oppmøte ved: Hjelme gamle kyrkje i Øygarden.
Denne turen kan ein bestilla etter avtale heile året.