Lokkemat og open båt. Bli med på havørnsafari gjennom skjergarden heilt ute ved storhavet. Målet er nærkontakt med Nord-Eurpoas største rovfugl.
Gestapo sin hemn. Den 30. april 1942 vart det vesle kystsamfunnet Telavåg jevna med jorda. Då hadde tyskarane oppdaga kva rolle bygda i havgapet spela i den illegale båttrafikken over Nordsjøen. Drapet på ein norsk agent og to Gestapo-offiserar utløyste Telavågtragedien, eit av krigens verste brotsverk.
Lauvøy ligger idyllisk til på vestsiden av Askøy, som første øy etter Ramsøybroen. Dette skal bli et fantastisk feriesenter med rorbuer, båtplasser og sjøbad. Det planlegges også en flott sandstrand, gode parkeringsmuligheter, kaianlegg og ikke minst flotte selskapslokaler. Vi ønsker dere velkommen til Askøys vakreste perle!
Bli med attende til seglskutetida og opplev korleis det var å ferdast på havet med rein vindkraft. ”Loyal” av Sotra er den eldste galeasen i verda som seglar framleis. Vil du bort frå motordur og moderne stresstilvære, kan du sitja på luka og dingla med beina, venta at vinden skal ruska i segla og gi deg det stille suset av båtbaug som pløyer seg gjennom havspeglet.
10 000 år. Bli med til Kystmuseet, sjøbruksmiljøet i Ovågen og oljeteknologianlegga på Kollsnes for ei spanande reise gjennom ressurshistoria til Øygarden.
Bussturane til Kysteventyret er ei oppleving i seg sjølv. Undervegs kan du nyta synet av eit eineståande vakkert og variert kystlandskap. I dag kan du køyra dit du for ein mannsalder sidan berre kunne koma med båt. Turen går over luftige bruer mellom øyane, over vakre straumar og smale sund. Mellom klipper og knausar snor vegen seg fram, langs lyngheier, blenkjande vatn, nakne berg og våtmarksområde. Med lokale sjåførar får du interessante reiseopplevingar, gjerne krydra med lokale historier og spanande hendingar.
Kulturbåten MS Glesnes tar deg med på opplevingsrike turar i havgapet sørvest på Sotra. Vakker skjærgard, frisk havluft, velsmakande sjømat og konkurranse om å få den største fisken på kroken; me designar turar som passar dine ønske, med lokal mat og minnerike kulturelle innslag i maritim innpakning.
10 000 år. Kystmuseet i Øygarden er eit økomuseum for kystkulturen. Her kan du følgja livet til kystmenneska i Øygarden frå istida og fram til i dag. Museet si hovudutstilling, «Hav og vind - jord og eld», tek for seg energibruk og ressursutnytting i eit typisk kystsamfunn gjennom 10 000 år.
Festung Norwegen. I 1942 gav Hitler ordre om å byggja Atlanterhavsvollen, eit 2.685 km langt, samanhengande kystforsvarsverk som strekte seg frå Nordishavet til Pyreneane. Føremålet med festningsverket var å forsvara tysk-okkupert Europa mot invasjon frå Storbritannia.
Vestlandsforteljingar kan opplevast på Sotra og i Øygarden. Forteljingane kan tingast heile året og forteljaren vil ta deg med i ei historie som gjev deg ei oppleving av kystsamfunnet på ein ny og spanande måte.
Handelstaden Glesvær har vore fiskevær og møteplass sidan 1600 talet. Glesvær kafé er innreda med originalinteriør frå den gamle butikken frå rundt 1900. Nyt ein kopp kaffi i eksotiske, røffe lokaler og sug inn atmosfæren frå gamle dagar. Utsikta set deg 100 år tilbake i tid.
På ein holme i skjergarden utanfor Bergen finn du ein av dei beste sjømat-restaurantane i Noreg. Cornelius har verdas beste råvarer rett utanfor døra. Her kan du bli servert saman med kjende matjournalistar ein dag, og neste gong kan du hamna på nabobordet til Maradona eller Neil Young.
Er du klar for spanande vandreeventyr over forsteina kvalryggar, djupe rumpe-sprekker og samanrulla kjempetroll? Har månader med lekselesing gjort deg sugen på paintballkrig, lavvoliv og fysiske basketak i villmarka? Klyva er eit opplevings-firma som brukar kystnaturensom "fornøyelesepark" for alle som vil ha godt av å lufta seg.
Suset av ein driver gjennom skjergarden. Ballen som lyser kvitt mot den blå havranda, før den forsvinn bak ein naken bergrygg. Utslag i frisk sjøluft, putting på lyngheia. Golf i kupert kystlandskap er ei flott oppleving som du kan unna deg ofte. Avstanden frå Bergen er ikkje lenger enn at du kan vera advokat før lunsj og golfspelar etterpå. Velkomen til Kobbeltveit golf- og naturpark.
Har du nokon gong blitt vist rundt på ein flytande laksefarm? Vi lover at det er ei fascinerande oppleving for alle som er interessert i det store norske sjømateventyret. Tenk deg når havet kokar av 100.000 sprelske aurar som får frokost!