Smak av Nordhordland

I Nordhordland har vi alt som skal til for å kunne skape framtidig livskraftig næring av lokalmat. Vi har historia om landskapet, gardane, havet, menneska, råvarene, oppskriftene, tradisjonane og den handlingsborne kunnskapen. Du finn alle lokale produsentane i vårt digitale kart.

Det bognar av gode råvarer i Nordhordland

Sauekjøt, fisk, mikrogrønsaker, honning, bær, bakst, ost, geitost, kjekjøt, oksekjøt, grisekjøt, egg, andeegg, spekemat, grønsaker, garnityr m.m. For deg som er matinteressert og som tenker på viktigheita av kortreist mat, har du mykje å gle deg til av matopplevingar i Nordhordland.

  Foto: Tina Monslaup

Fremmar mat frå Nordhordland

«Smak av Nordhordland» set eit etterlengta fokus på lokalmat frå Nordhordland. Ein har organisert seg som eit prosjekt kor ein skal samle, skape synergiar og verdiskaping mellom aktørar og bedrifter som forvaltar, produserer, leverer og sel lokalmat i sitt daglege virke. Målsetnaden er å byggje merkevara «Smak av Nordhordland».

Medlemmane i nettverket er lokal mat-produsentar og servingstadar i Nordhordland. Ein finn verksemder frå kommunane: Alver, Austrheim, Fedje, Gulen, Masfjorden, Modalen, Vaksdal og Osterøy.

Foto: Tina Monslaup

Kor finn eg produkta?

Eit av hovudproblema har vore kor ein finn dei lokale produkta i Nordhordland. Visit Bergen har samarbeida med Smak av Nordhordland om å utvikle eit kart som fortel kor ein finn både produsent og produkt. Vi håpar du nyt smaken av Nordhordland.

Les meir om smaken av Nordhordland her.