Om
Olaskjeret er ein liten holme i Bakkasundet, som ligg på Storekalsøy i Austevoll kommune. Her er det sett opp nye og moderne hus på tuftene av det som ein gong var ein stor arbeidsplass innan fiskeri. Vertskapet tilbyr hyggelege og familievennlege fasilitetar for overnatting og selskap, saman med aktivitetar utandørs i eit miljø som er eit eldorado for båtliv og fiske.
Kvitanaustet, Raudanaustet og selskapsteltet kan tingast til ulike typar arrangement. Kvitanaustet eignar seg for mindre grupper (inntil 25 personar). I Raudanaustet er det plass til grupper på inntil 60 personar, medan selskapsteltet kan huse inntil 180 personar. For store grupper er det ypperleg å ha fleire lokale til disposisjon for større fleksibilitet.
Raudanaustet
Med stor takhøgde, lyst opp av flotte prismekruner er Raudanaustet eit ideelt for kurs, konferansar, jubileum eller andre arrangement. Grindaverket i veggane minnar om ei svunnen tid og gjev ei lun og behageleg atmosfære. Lokalet er lekkert møblert med spisestuesofaer, -stolar og bord og det kan dekkast til 60 personar. Lokalet kan tingast både dag- og kveldstid.
Kvitanaustet
Kvitanauset høver godt for mindre kurs, konferansar, jubileum eller andre arrangement. Her kan det dekkast for inntil 25 personar.
Kvitanaustet er lyst og lekkert innreia. Opphaldsrommet i Kvitanauset er ope og romsleg, med både kjøkken, spisestove og sofa-avdeling, alt til fri disposisjon til deg og følget ditt. I Kvitanaustet kan ein óg overnatta. Her er fire soverom med 8 sengeplassar.
Les meir om overnatting i Kvitanautet her.
Selskapstelt på Olaskjeret
Har du planar om å arrangere eit større arrangement, så anbefalar me å booke selskapstelet vårt på Olaskjeret. Uansett vær og vind er du sikra ei uforgløymeleg stad for festen, i eit 216 m2 kvalitetstelt med banketttstolar, bord, prismekruner og varme.
Selskapsteltet er ideelt for:
- Sommarfest
- Kick- off
- Fødselsdag
- Bryllaup
- Konfirmasjon
- Barnedåp
- Hageselskap
Vertskapet på Olaskjeret skreddersyr løsningar for både bedrifter og private og hjelper deg meir enn gjerne med å setje den perfekte ramme rundt ditt arrangement. Selskapsteltet er kun tilgjengeleg i sommarsesong.
Aktivitetar på Olaskjeret
Olaskjeret er eit idyllisk skjærgardsparadis som eignar seg ypperleg til feriemål, bedriftsbesøk og events. I frisk sjøluft inviterar Olaskjeret ikke berre til selskap, men her tilbyast også ei heil rekkje aktivitetar. Atl frå teambuilding, fisketur, skjærgardssafari, sup og kajakk. Ein friskt bad på stranda eller samlast rundt bålpanna og berre nyt den lune varmen i godt selskap.
Slik kjem du deg til Olaskjeret:
Med eigen båt:
Kjem du sjøvegen med eigen båt, kan du leggje til ved brygga på Olaskjeret
Bil:
Frå Flesland flyplass tar det ca 25 min til Krokeide fergekai. Frå Bergen sentrum tar det ca 35 min til Krokeide fergekai. Ferga tar 35 min og deretter køyrer du 15 min frå Hufthammar til Bakkasund. Båtturen på 1 minutt ut til Olaskjeret avtaler du med oss på førehand. Båten har kapasitet på 12 passasjerar pr tur.
Båttaxi:
Du kan bli henta med båt der du måtte ynskje. Populære pick- up point er Bergen sentrum eller Hjellestad kai (om du kjem med fly).
Hurtigbåt:
Rutebåt frå anten Bergen Sentrum (50 min) eller Flesland kai (30 min), går inn om Huftahammar fergekai. Me kan hente anten med bil eller båt på fergeleiet og transportere til Olaskjeret (ca 15 min).
Helikopter:
Vertskapet kan ordna helikoptertransport om det er eit ynskje. Avtal i god tid.
Velkommen!
for å legge til et produkt i reiseruten.
