Hangurstoppen Restaurant (Voss)

Om

På toppen av Voss Gondol, 808 meter over havet, ligg Hangurstoppen Restaurant – den største fjellrestauranten i Vossafjella, kun en drøy time med tog fra Bergen.

Om

Her kan du nyta heimelaga mat laga med lokale råvarer, medan du tek inn den spektakulære utsikta over Vossafjella. Restauranten tilbyr ein rikhaldig meny med alt frå smakfulle lunsjrettar til større middagsserveringar, og ein triveleg atmosfære som passar både for små og store selskap. I tillegg tilbys ein knallgod pizzameny, der kvar pizza er laga med dei beste råvarene og steikt i steinovn for å sikre ein autentisk smak.

Hangurstoppen Restaurant har fokus på kvalitet og gode smakar, og legg vekt på å bruka sesongens beste råvarer frå nærområdet. Her finn du både tradisjonelle rettar og nye smaksopplevingar – alltid servert med panoramautsikt.

Slik kjem du deg til toppen

Reisevegen til restauranten er spektakulær: du må nemleg ta gondolbane for å kome fram. For å koma til Hangurstoppen Restaurant tek du Voss Gondol frå Voss stasjon – raskt, enkelt og miljøvenleg. Gondolen har plass til opptil 34 personar per kabin, og kan frakta opptil 1069 gjester i timen. Billettar til gondolen må bestillast av gjesten sjølv, og kan kjøpast på nett eller i billettluka på Voss stasjon. Opningstidene varierer etter sesong, så sjekk gjerne nettsida vår for oppdatert informasjon. Til selskap set vi gjerne saman pakkar med gondolbillett inkludert. I tillegg får de gondolen til avtalt tid i samband med arrangementet.

Møter, konferanser og selskap

Hangurstoppen Restaurant er den perfekte staden for møter, konferansar og andre selskap. Lokala våre har moderne fasilitetar og tilbyr ein spektakulær arena for både selskap og konferansar. Den store terrassen med panoramautsikt over fjella gir ei unik ramme for arrangementet ditt.

Hangurstoppen Restaurant tilbyr fleksible pakkeprisar som inkluderer gondolbillett, mat, drikke og lokale, slik at du kan skreddarsy arrangementet etter behov. Det erfarne teamet står klart til å tilpasse lokalet etter dine spesifikke behov, enten det er catering, romoppsett eller teknisk støtte. I restaurantlokale kan bordoppsett tilpassast og utforming av møtelokalet kan variera ut ifrå størrelsen frå gruppa og behovet.

For mindre møter og kurs tilbyr Hangurstoppen Restaurant eit møterom med plass til opptil 50 personar og det er fullt utstyrt med alt du treng for å gjennomføre eit møte, seminar eller kurs.

Rett utanfor møteromsdøra finn du i tillegg turstiar av alle slag. Her er med andre ord gode moglegheiter for å trekke inn frisk luft mellom slaga, med flott utsikt over Vossafjella og bygda vår. Nokre av stiane er universelt utforma, slik at dei er tilgjengelege for alle deltakarar. Fint for deg som er lei tronge møterom.

Bryllaup og andre feiringar på Hangurstoppen Restaurant

Hangurstoppen Restaurant tilbyr ei unik ramme for feiringar av all slags anledning med spektakulær utsikt over fjell og natur. Lokalet har kapasitet til 350 sitjeplassar og er fullt utstyrt med moderne fasilitetar og ein stor terrasse med panoramautsikt. 

Slik kjem du deg til Voss:

Med tog

Toget er ein av dei beste måtane å reise til Voss på. Frå Bergen tek togturen om lag 1 time og 15 minutt, og det går fleire avgangar dagleg. Frå Oslo tek toget omtrent 5,5 timar, med fleire avgangar gjennom dagen.

Med bil

Om du køyrer frå Bergen, tek turen rundt 1,5 time. Frå Oslo kan du køyre E16 via Fagernes eller RV7 over Hardangervidda, begge tek rundt 6 timar.

Med buss

Det går ekspressbussar mellom Bergen og Voss fleire gonger dagleg. Reisetida er om lag 1,5 time. Frå Oslo kan du ta buss via Gol eller Hardanger, men dette tek lengre tid enn toget.

Parkering

Det er fleire parkeringsmoglegheiter i sentrum av Voss. Stasjonsgarasjen i Voss sentrum ligg rett ved Voss stasjon og har 376 parkeringsplassar, inkludert 23 ladeplassar og 13 plassar for forflytningshemma. Du finn òg offentlege parkeringsplassar i nærleiken. På vossparkering.no finn du all informasjon om parkering på Voss, inkludert parkeringskart, prisar, betaling, reglar og oblatbestilling.

Her kan du lese meir om ting å gjer på Voss.