Herdla Museum - Museum Vest

Om

Herdla Museum ligger nord på Askøy. Her finnes utstillinger om hvordan Herdla ble til, om den tyske flybasen under 2. verdskrig og om fuglelivet. 

Om

Herdla - det perfekte turmålet for den som vil kombinera  museumsbesøk og friluftsliv. Heilt nord på Askøy, ca. 45 minutts køyring frå Bergen sentrum, ligg den vesle øya Herdla. Øya byr på flott natur og spennande historie. Her kan du gå langs dei lange strendene eller ta ein tur oppå øya sitt høgste punkt og sjå utover eit fasinerande øyrike.

Herdla museum

Øya har sitt eige museum som held til i eit særprega nybygg på Herdla fort. På museet finst både faste og skiftande utstillingar, her vil du også få tips om turar og andre ting du kan oppleva.

Utstillingar

Gul – 16 – frå jagarfly til kulturminne

Den 15 desember 1943 tok det tyske jagarflyet «Gul-16» av frå basen sin på Herdla. Rett etter take-off fekk flyet problem og måtte naudlanda på sjøen. 64 år seinare blei det heva og er i dag museet sin hovudattraksjon.

Historie, natur og miljø 

Ei fast utstilling fortel om fuglelivet på Herdla. Dei ulike skiftande utstillingane femner vidt og kan omhandla både historie, natur og miljø.

Guida turar

Fram til 2006 var Herdla torpedobatteri eit topphemmeleg forsvarsanlegg. I dag er det fullt utstyrte batteriet freda som kulturminne. Ein guida tur gjennom anlegget er som ei reise tilbake til den kalde krigen. Turen tek ca. ca. 1 time og 15 minuttar.

Fuglekikking

Herdla er det viktigaste fugleområdet i regionen og godt tilrettelagt for besøkande. På museet får du informasjon om ruter du kan gå for å oppleva fuglane utan å forstyrra dei. Museet kan også organisera guida fugleturar.

Kjekt å vita

Museet har kafe med varme/kalde drikker, kaker og snacks. Det er gratis inngang for born. Området byr på flotte forhold for turar, bading, fiske og camping. Det går buss til Herdla fleire gonger om dagen (buss 499 fra busstasjonen i Bergen.)