Drakar og åklevev – spor i tre og tråd

Terje Geithus og Bodhild Laastad var medforfattarar av boka Drakar og åklevev som kom ut i desember 2025. Boka fortel livshistoria til kunsthandverkarane Eli og Ivar Høyvik som bygde eit liv på «sine henders gjerningar».

Ivar kom til Voss i 1903 for å læra treskjering av meisteren Magnus Dagestad. På Voss trefte han Eli Sæthre som dreiv med kunstbroderi og veving. Då Ivar si læretid var over, ville lukka det slik at dei slo seg ned i turiststaden Balestrand i Sogn. Dette var truleg det beste valet dei kunne gjera. I Balestrand fann dei ein marknad for Ivar sine utskorne møblar i drakestil og Eli sine fargerike åkle
vovne på oppstadvev.

I dette foredraget set Terje Geithus og Bodhild Laastad Eli og Ivar si personlege historie inn i ein kultur- og husflidshistorisk samanheng frå utgangspunktet på Voss til turistbygda Balestrand der dei realiserte dåtidas husflidsideal – å kunna leva av sine henders gjerningar.

Gjennom forteljinga om Ivar og Eli får vi eit levande møte med ei tid då den norske identiteten vart forma gjennom kunst, handverk og arkitektur.