Med havet som næraste nabo får resorten restaurant, spa, aktivitetar og fasilitetar for bryllaup, selskap, møte og konferansar. Alle romma får eigen balkong og sjøutsikt, slik at havet og det skiftande kystlandskapet blir ein del av opphaldet.
Her kan du vakne til utsikt over havet, nyte gode måltid, finne roa i spaet og fylle dagane med aktivitetar og opplevingar langs kysten. Enten du kjem for å slappe av, oppleve noko nytt eller samle menneske du set pris på, ligg alt til rette for gode dagar på Byrknes.
Restaurant og matopplevingar
Mat blir ein viktig del av opplevinga på Byrknes Ocean Resort. Christopher Haatuft står bak restaurantkonseptet, med eit kjøkken inspirert av området, sesongane og råvarene som finst langs kysten.
Nærleiken til havet og gode råvarer frå lokale produsentar skal vere med på å forme menyen. Målet er at maten skal fortelje noko om staden du har reist til, og gi deg ein smak av Byrknes og kysten rundt.
Restauranten blir ein stad for både hotellgjestar, lokale og andre som tek turen til Byrknes for eit godt måltid. Her skal god mat kunne nytast i avslappa omgjevnader, med utsikt mot landskapet og sjøen utanfor.
Spa og velvære
I spa- og velværeavdelinga kan du finne roa med havet rett utanfor. Nyt varmen inne medan vinden og bølgjene viser kreftene sine langs kysten, eller sjå sola spegle seg i sjøen på stille dagar. Her blir utsikta, vêret og naturen ein del av spaopplevinga.
Det skal vere ein stad for å kople av, ha tid saman og nyte kontrasten mellom naturen utanfor og roa inne.
Aktivitetar og opplevingar
Byrknesøy er omgitt av øyar, holmar og ope hav, og gir eit flott utgangspunkt for aktivitetar og opplevingar både på sjøen og på land.
Her kan du utforske øyriket, kome tett på naturen og bli betre kjent med livet langs kysten. Du vel sjølv om dagane skal fyllast med aktivitetar, eller om du helst vil ta det roleg og nyte omgjevnadene.
Landskapet endrar karakter med vêret og årstidene. Lange, lyse sommardagar og stille sjø gir éi oppleving, medan vind, bølgjer og skiftande vêr viser ei heilt anna side av kysten.
Bryllaup og selskap
Med havet som bakteppe blir Byrknes Ocean Resort ei flott ramme rundt dei store anledningane. Her blir det lagt til rette for bryllaup, jubileum, selskap og andre feiringar, med restaurant, selskapslokale og overnatting samla på éin stad.
Her kan familie og vener samlast og gjere meir ut av anledninga enn berre sjølve dagen. Med gjestene buande på hotellet kan ein få tid saman både før, under og etter feiringa.
Møte, konferansar og samlingar
Byrknes Ocean Resort får gode fasilitetar for møte, konferansar og samlingar. Her kan bedrifter kombinere det faglege med restaurantbesøk, aktivitetar og tid saman utanfor møterommet.
Å samlast litt utanfor dei vanlege rammene gir rom for gode samtalar og nye idear. Når arbeidsdagen er over, er vegen kort til middag, spa eller ei felles oppleving ute.
Slik kjem du til Byrknes
Byrknes Ocean Resort ligg på Byrknesøy i Gulen, nord for Bergen. Hit kan du reise både til lands og til sjøs.
Frå Bergen tek turen om lag to timar med bil, inkludert ferja mellom Leirvåg og Sløvåg.
Du kan også reise med hurtigbåt frå Bergen. Båtturen tek om lag halvannan time og går innaskjers gjennom det vestlandske kystlandskapet på veg mot Byrknesøy.
Hotellet vil også kunne hjelpe med å legge til rette for transport til Byrknes, tilpassa reisa og behovet til gjestene.
Byrknes Ocean Resort gler seg til å ynskje deg velkomen til Byrknesøy.
for å legge til et produkt i reiseruten.
