Guida tur på Kongevegen til Vindhella og inngang Borgund stavkyrkje

Om

Kongevegen frå 1793 er ei perle av ein historisk veg 3 timar frå Bergen. Bli med på ein guida tur, høyr den fasinerande historia og besøk Borgund stavkykje.

Om

Borgund stavkyrkje er eit nasjonalklenodium og den best bevarte stavkyrkja i verda. Vindhella er ei nasjonal ingeniørbragd. Opplev begge underverka på ein og same tur!

Du startar i besøkssenteret med stavkyrkjeutstilling, vikingutstilling, kafé og butikk før du går til stavkyrkja og opplever middelalderens mystikk. Du gjer dette på eiga hand og lyttar til guidane i kyrkja. Billetten gjeld for heile dagen.

Deretter møter du ein Kongevegen-guide ved stavkyrkja og blir med opp austsida av Vindhella til toppen av dei berømte hårnålsvingane. Kongevegen er ein historisk veg frå 1793 og var den fyrste kjørevegen (med hest og kjerre) mellom Austlandet og Vestlandet. Les meir om Kongevegen over Filefjell her.

På turen får du lære om Kongevegen og om bygginga av meisterverket som bugtar seg på høge murar ned gjennom fjellpasset. Høyr om vegarbeidarane, om slavearbeid og avstraffing, om rekkverk og steinar, fargar og kongeferder.

Lær også at Vindhellaskaret kan ha vore eit strategisk maktpunkt i gamal tid og den smalaste passasjen mellom aust og vest i Sør-Norge. Her er bygdeborg, truleg eldgamle forsvarsanlegg - og kanskje åstaden for eit birkebeinerbakhald.

Etter ei stund ved svingane på toppen snur guiden og går tilbake til stavkyrkja. Du kan fylgje med guiden, eller du kan gå på eiga hand ned til Rimskjold eller ta rundturen over Sverrestigen tilbake til stavkyrkja.

Sesong:
01. juni - 31. august

Tid: 
Dagleg klokka 12.00 ved inngangen til stavkyrkja. Denne turen inkluderer både omvising i Borgund stavkyrkje og turen til Vindhella.

Lengde:
2-3 timar, inkludert inngang stavkyrkja og turen til Vindhella

Språk:
Norsk, engelsk ved behov

Inkludert:
Inngang Borgund stavkyrkje (dagsbillett) og besøkssenter, guide tur/retur Vindhella

Påmelding: Her kan du booke turen.

Dersom du berre ynskjer å delta på turen til Vindhella, kan du lese meir og bestille den her. Da starter turen kl. 13:30.